غلطانة في حقي ..

أنا غلطانة في حقي ..

غلطت كثير

أنا مدر ي

علام الورد يصبح شوك في يدّي

وأنا مدري

علام الحلم يتعدى محيطي دوم ويعدّي

علام الحزن يلبسني كما تلبسني اثوابي

وعلام الضحك يجفاني كما يجفاني احبابي

غريبة دنيتي والله ..



أنا غلطانة في حقي ..

وثقت بدون ما اسأل عن الماضي ..

تخيلتك

على قلبي أمير ومالك وقاضي


خذلني قلبك القاسي

رسمت الجرح بأنفاسي

طعني يوم حبيتك ..

أنا ما أحب بسهولة

ولا ادري كيف حبيتك

ولا ادري ليه جعلت القلب هو بيتك ...

وطيت القلب بأقدامك

حكمت اليوم بإعدامك

تحملتك ولا ادري ليه تحملتك

صبرت أشوف أفعالك

ولا ادري ليه؟؟

ولكن بس

يكفيني أنا ما أطيق

شربت المر من كاسك

وصرت بضيق


أنا غلطانة في حقي

نهاية حبك بقلبي ابعلنها

ابخنق صادق احساسي واطينها

خلاص

اليوم أنا قررت

أعيش

الباقي

من عمري بلا أحباب

خلاص اليوم أنا قررت

اشيل الكبرياء بيدي وأصك الباب


فمان الله ياحبي ..

فمان الله أنا برحل

تعبت كثير وأنا أغلط بحقي دون ما أدري

فمان الله

عرفت الحين وش قدري ..