مشكله واجهت صديق

بسم الله الرحمن الرحيم
جاتلي مشكله من احد الاصدقاء وقلت اعرضها عليكم علشان تقولو رأيكم فيها وكيفيه حل هذه المشكله .
هو كان بيحب بنت وهي برده بتحبه قعدوا مع بعض فتره من الوقت كان يتقابلو يكلمو بعض في التليفون يعني كان بينهم نوع
الاتصال . هو مخلص كليه وهي لسه بتدرس المهم عرض عليها انه يتقدملها فوافقت علي طول وقالتله انها كانت بتحلم باليوم ده من زمان وفعلا كلم اهله ولانه كان الوحيد فأهلو وافقو
وراحو معاه علشان يخطب البنت فلما شافو البنت وشافو اهلها رفضوا ارتباطه بيها لان اسبابهم كانت انها مش علي قدر كبير من الجمال وان اهلها مستواهم اقل من مستواه ( المستوي المادي). البنت اتصدمت اما عرفت منه ان اهله طلبو منه انه يبعد عنها . وهي قررت انها تبعد عنه وتضحي بحبها علشان مش عايز تخليه يقف قدام اهله ويعاندهم . هو
طبعا بقي في حيره كبير يعني بين نارين نار اهله وانه يقف ضدهم ونار حبه وانه يظلم حبيبته ويضيعها منه
مبقاش عارف يعمل ايه
ياتري لو كنت مكانه ؟. كنت ممكن تعمل ايه؟ ( ده للشباب)
ياتري لو كنتى مكان البنت كنتى هتقوليله ايه وهيبقي شعورك ايه وقتها؟ ( ده للبنات )